ستصل الي ما تريد "

وبعد الكثير من الصعاب قررت الوصول إلى ما اريد
وعدم التفاتي للآخرين
وماذا كنت اريد ؟
كنت اريد الوصول إلى قمة الطريق وهوا نجاحي وابتعادي عن من يؤذيني
لقد مررت بكثير من الصعاب وواجهت الكثير من الكلام المحبط والسلبي وبرغم كل هذا تمكنت من وصولي إلى ما اريد وكل هذا كان بفضل الله ولذالك لكل من يريد مني نصيحه نصيحتي ستكون
لا تلتفت للوراء ولا تنصت الى من يقلل منك او يحبطك
حتى تصل إلي ما تريد ارسم هدف وطموحاتك وضعها أمام عيناك ولا تسمح لأحد ان يقلل من ثقتك بنفسك حتى تكون شخصيه في مجتمعك وتنفع الآخرون باجتهادك وطموحاتك وأهدافك
ارسم طموحك وستصل انت تقدر🤍

إسراء محمود ابونحول

عارفة إنك كل يوم بتقوم وفي دماغك ألف سؤال ، أكمل ولا خلاص أنا مش قادر ، هتعدي؟ ولا المجهود ده كله على الفاضي؟

بس خليني أقولك على حاجة انت مش واخد بالك منها وهي إنك :
وأنت بتذاكر وبتجتهد وبتحارب نفسك ،متحاربش لوحدك 👀

خلي دايمًا في نيتك كلمة:
يا رب أنا بعمل اللي عليّا، والباقي عليك
استعين بربنا في كل مرة تحس فيها إنك تعبت ومش قادر واتكلم معاه من كل قلبك و قوله: يا رب أنا بستودعك تعبي، سهري، وخوفي ومحاولاتي الكتير وضغطي على نفسي, يارب تراضيني وتعوضني عن كل ده

والله لو جربت فعلاً تتكلم مع ربنا من كل قلبك ، الإحساس اللي بييجي بعدها بيبقا جميل أوي أوي بتحس
براحة وطمأنينة وكأن حد شايل معاك الحِمل.🤍

وافتكر دايمًا إن النجاح مش شطارة بس، ده توفيق والتوفيق بييجي للي قلبه متعلق بربنا وهو بيجتهد

ربنا معاكم ويوفقكم 🫂❤️


منقول

الحمد لله الذي بلّغنا رمضان ..

فرصة جديدة، وصفحة بيضاء بدأت اليوم. فالخاسر الحقيقي هو من أدرك هذا الموسم العظيم وخرج منه كما دخل.

قال رسول الله ﷺ:
«رَغِمَ أَنْفُ رَجُلٍ دَخَلَ عَلَيْهِ رَمَضَانُ، ثُمَّ انْسَلَخَ قَبْلَ أَنْ يُغْفَرَ لَهُ».

اللهم أعنّا على الصيام والقيام، واجعلنا من المقبولين 🤲

#مبارك_عليكم_الشهر
#حازم_شومان

كيف تواصل طريقك في الدراسة عندما تشعر أنك استنزفت نفسيًا قبل أن تتعب ذهنيًا؟

ج / ألم الدراسة مش بس في السهر والتعب، ولا في كثرة المعلومات اللي بتحاول تتخزن في عقلك.

أحيانًا بيكون الألم في المحاولة المستمرة، في التفكير المستمر: "هل أنا كفاية؟ هل أنا قادر أكمّل؟"
الدراسة مش بس مجهود ذهني، هي كمان معركة نفسية. تحاول تبدأ من جديد كل يوم، وتحس إنك مش قادر تكمل، وإنك كل ما تحاول تتقدم، في حاجة بتسحبك لورا.

تبدأ اليوم بنية إنك هتذاكر بشكل أفضل، لكن بنهاية اليوم تحس إنك ضيعت وقتك، وإنك مأديتش زي ما كنت متوقع.

مفيش شك إن الضغط بيكون صعب، سواء كان ضغط الوقت، أو ضغط النجاح، أو حتى ضغط المقارنات بينك وبين الآخرين خصوصا في واقعنا كطلبة طب . ولما تحس إنك لوحدك في وسط هذا التحدي، تكتشف إنه مش فقط جهد بدني وعقلي، بل كمان تحدي داخلي.

التحدي إنك تثبت لنفسك إنك قادر على الاستمرار.

بس مهما كان الألم، حتى لو كان مجرد شعور بالإنهاك، أو الخوف من الفشل، فمهم إنك تفضل تكمل. لأنك مهما تعبت، مهما شعرت إنك وحيد أو مش قادر، أنت بتثبت لنفسك قوتك. كل خطوة قدامك، حتى لو صغيرة، هي إنجاز.

والأهم من كل ده إنك مش لوحدك في المعركة دي. الكل بيمر بنفس الصراع، وأنت مش استثناء.

وأخيرًا، ✨تذكر✨: كل تعب وكل جهد ليه قيمة. ممكن ما تحسش بتأثيره دلوقتي، لكن في المستقبل هتكتشف إن كل لحظة كفاح كانت بتبني فيك شخص أقوى، شخص عنده القدرة على المواجهة والصمود.

عندما تشعر بالإرهاق، تذكر أن الاستمرار هو سر النجاح.

✨ما دام فيك نفس، فيك أمل. إنت قوي، وإنت قادر تعدي إن شاء الله .✨

محمد جبريل

#الطب_سؤال_وجواب

‏يا رب رمضان مايضيعش من ايدينا السنة دي.
يا رب مانخرجش منه نادمين.
يا رب استرنا أمام أنفسنا واهدنا لكل ما يهدينا إليك.
يا رب وجهنا لكل شيء ينفعنا فيه.
يا رب حبب إلينا الصيام والقيام والمجاهدة والعبادة، ولا تكلنا لأنفسنا طرفة عين.

يا رب.. يا رب أعنّا على حسن ذكرك وشكرك وحسن عبادتك.

يُوهم نفسه أنه يجاهد ، وكلما أُتيح له الذنب وقع فيه
مسكين💧

❤️‍🩹

‏خليك طماع وانت بتدعي، انت بتسأل رب المستحيل، ادعي بالأفضل دايما وماتشيلش هم الاجابة.. كمل في دعائك ومتيأسش أبدا ولا تزهق مهما اتأخر، يقول أحد الصالحين: "ما أدمت الدعاء في رمضان على أمر إلا وتجلى ظاهرًا في شوال"
خزائن الله لا تنفد، وأبوابه لا تُغلق
ادعوا الله وأنتم موقنون بالإجابة

‏ولا تدري لعل ما تريده هو نفسه ما يشاؤه الله لك، ولعلَّ الله يغيّر من أجلك ما لم تتوقع تغييره، ويعطيك ما لم تتصوّر إمكانية حدوثه
ولعلّها مسألة وقت وصبر
إنما هي عند الله قد قُضيّت، وجبرك قريب :))☺️

‏ابرأ من حَولي إلى حَولك وقُوّتك..
أنتَ مِعراج روحي وسكِينتهُ، اللهم إنّي أسيرُ في أمانك، في رعايتك ولطفك ومحبّتك، امنُن عليّ بيفيض نورك يا ربِّ فلا سكينةَ إلا بك أنت البرّ الرحيم!

بص
الحقيقة ان ولا صحابك ولا اهلك بعد كدة هينفعوك بحاجة ولا حد هينفعك ، محدش هيجبلك شغلة حلوة ولا هياخد معاك مشوار لكلية انت مش حاببها ، الخلاصة انت اللي هتنفع نفسك مهما كان معاك من صحاب وناس بيحبوك هيجي وقت وكله هينشغل محدش هيكون معاك غير نفسك ودي حقيقة لازم تتقبلها
- اعمل اللي عليك واجتهد علشان انت مش بتعمل حاجة لانهاردة لا انت بتبني شخصية ي اما هتفيد اهلك وتحققهلهم اللي نفسهم فيه او هتلاقي نفسك لوحدك في دوامة ندم بسبب اهمالك لمذاكرتك ، ف اتمسك بالفرصة اللي انت فيها يصاحبي علشان صدقني فيه مليون واحد نفسهم يرجعو مكانك في تالتة تاني علشان يرجعو يهتمو ويفرحو اهلهم بس للاسف الوقت مش بيرجع

منقول

قال الامام ابن الجوزي رحمه الله:

« واعلم أنك في ميدان سباق، والأوقات تُنتهب، فلا تخلد إلى كسل، فما فات من فات إلا بالكسل، ولا نال من نال إلا بالجد والعزم، وإن الهمّة لتغلي في القلوب غليان ما في القدور ».

     #علو_الهمة

إنَّ السمَاءَ عن الأنَامِ بَعِيدةٌ
لَكِن مَن فَوقَ السَمَاءِ قَرِيبُ!

🤍جدُّوا بالدُّعاء، فَإِنَّه مَن يكثرُ قَرع البابِ يُوشك أَنْ يُفتح لَهُ.

لما ربنا بيكون مقدرلك تنجح
الأول هياخد منك راحتك ،
بعدها هيختبر صبرك ،
هيخليك في عُزله ،
هيختبر قوة إيمانك ،
ربنا مش بيأخّر الخير ،
هو بس بيجهّزك ليه في الوقت الصح ،
عشان قبل ما يديلك حياة أحلامك!
يكون بَني نُسخه منك تعرف تستحملها 🩶.

عساكم بخير😊
الرساله دى كان فى بنوته ادمن فى جروبات الثانويه بعته السنه اللى فاتت لينك صراحه وقالت كل واحد يكتب هو نفسه فى ايه ويكتب حاجه تستمر معاه كذكره
للمستقبل وهيا فكره جميله جدا جزاها الله خيرا

طبعا الحمدلله كتبت والحمد لله ربنا كرمنى رغم تقصيرى الشديد
فو الله إياك واليئس وجدد النوايا ومتنساش المؤمن القوى خيرٌ وأحب إلى الله من المؤمن الضعيف

وكابدوا المجد حتى ملَ أكثرهم وعانق المجد من أوفى ومن صبر

وهقلكوا ع حاجه حلوه اعملوها صوروا لنفسكوا فيديوهات كتير وجسد معاناتك وطلعوا التفكير اللى جواكوا فى الورق
وهونوا ع أنفسكم وحبوها ☺️

وطبعا احنا فى شهر الخير فيعنى مننساش الطاعه وكثفوا الدعاء وادعولى معاكم ولكم أضعاف مضاعفه 😊

لطفهُ يجري وعبدهُ لا يدري❤️‍🩹
ربنا يستعملكوا ولا يستبدلكوا

اخر المعركة بيكون صعب بس مش مستحيل أبدا النصر يحصل رغم صعوبتها ،
المقصد أن رغم صعوبة الفترة دي ف انت تقدر تبدأ من جديد تاني اي المشكلة تحاولي ل المرة المية مع نفسك ، نظم وقتك ب اي طريقة ، شوف مواعيد دروسك و رتب وقتك عليها ، هاجي من دروسي هنام ساعتين بس و اصحي عندي كذا و كذا و كذا و ابدأي و حط نفسك في نص المعركة و حارب نفسك و كسلك و ضعفك و شغفك و كل المشاعر السلبية ، لو مش انت اللي هتحارب و تجاهد عشان مستقبلك و حلمك ف مين اللي هيحارب ؟!!
رتب كل مادة انت مقصر في اي ، و عاوز تبدأ ب اي ، و اي الجزء اللي عاوز حل مكثف تزوده الفترة الجاية ، انت أدري ب نفسك و ادري ب مستواك في كل مادة و انتي بردو اللي قادرة تظبط كل دا و تنظمهم .
قرب من ربنا ، خد ربنا خير معين ، سندك و مقصدك اللي هيعمل لك كل اللي نفسك فيه في مذاكرتك و في مجهودك ، ادعي ربنا يبارك لك في وقتك و في مذاكرتك و في مجهودك و سعيك ، ادعي ربنا أنه يقويك و مش تيأس ، لو مش هندعي في ليالي الدعوات المجابة هندعي امتا ؟!!

السلام عليكم ورحمة الله وبركاته
أتمنى تكونوا بخير 🤍
جايه أقول كلمة لكل حد بيسأل:
“هل هلحق؟ أنا مراكم كتير… أنا ضايع… أنا لسه مفتحتش كتاب.”
هتكلم بصراحة.
الوقت فعلًا قرب يخلص… بس لسه في فرصة.
بس الفرصة دي مش للقلق السلبي، ولا للأعذار، ولا للتأجيل.
مفيش حد هيضحك علينا ويقول “لسه بدري”.
بدري على إيه؟ وإحنا ضيعنا شهور بنأجل ونهرب ونقنع نفسنا إننا “هنتحرك قريب”.
قريب إمتى؟
لما الامتحان يخبط على الباب؟
أنا مش جاية أطبطب عليكم ولا أقولكم “متقلقوش”.
لأ… اقلقوا.
القلق دلوقتي مهم.
القلق ده المفروض يصحيكم من النوم اللي إنتوا فيه.
كل يوم مسكتوا فيه الموبايل قبل الكتاب كان قرار إنتوا أخدتوه.
كل مرة قلتوا “هبدأ من بكرة” كانت قرار.
كل درس اتراكم وسكتوا عليه كان قرار.
وكل قرار ليه نتيجة.
في اتنين في نفس المكان.
نفس الكتب، نفس المدرسين، نفس الظروف تقريبًا.
واحد كل يوم بيأجل.
يقول “لسه بدري”.
يقفل أول ما يتعب.
يمسك الموبايل يقول نص ساعة راحة… وتبقى ساعات.
يقنع نفسه إن الظروف السبب.
والتاني؟
مش أذكى، مش عبقري…
بس قرر يبطل يضحك على نفسه.
بيذاكر وهو مش طايق.
بيكمل وهو مرهق.
بيفتح الكتاب حتى لو مش في أفضل حال.
لأنه فاهم إن محدش هييجي ينقذه.
بعد كام شهر…
الأول داخل اللجنة وقلبه بيخبط من الرعب، حاسس إنه كان يقدر يعمل أكتر.
والتاني داخل تعبان؟ آه. مرهق؟ آه. خايف؟ أكيد.
بس مطمن… لأنه عمل اللي عليه.
فرقهم مش الذكاء.
فرقهم القرار.
تخيل إحساس “يا ريت”.
“يا ريتني بدأت بدري.”
“يا ريتني سمعت الكلام.”
الكلمة دي بتوجع.
أقسى من السهر.
أقسى من ضغط المذاكرة.
أقسى من أي حرمان مؤقت.
لسه في وقت؟ آه.
بس مش وقت دلع.
مش وقت أعذار.
مش وقت مزاج.
ده وقت حرب مع نفسك.
ضد الكسل.
ضد التسويف.
ضد فكرة إنك “مش قادر”.
إنت قادر… بس إنت مستسهل الهروب.
متستناش حد يشجعك.
متستناش مود ييجي.
المود مش هييجي لوحده… إنت اللي تخلقه وإنت شغال.
قوم.
افتح كتابك.
حتى لو متأخر.
حتى لو متلخبط.
حتى لو خايف.
الخوف طبيعي…
بس اللي مش طبيعي إنك تسيبه يشلك.
أهلك مش مستنيين معجزة.
مستنيين يشوفوا إنك بتحاول بصدق.
وإنت محتاج تبص لنفسك يوم النتيجة — مهما كانت — وتقول:
أنا عملت اللي عليّ.
متخليش النتيجة تبقى صدمة ليك بسبب تقصيرك،
لأن وقتها العياط مش هيرجع حاجة.
الوقت مش عدوك…
إنت اللي بتعامله كأنه لعبة.
فوقوا.
شدوا حيلكم.
اقفلوا كل حاجة بتسحبكم لتحت.
وابدأوا كأن حياتكم واقفة على الفترة الجاية…
لأن الحقيقة؟ هي فعلًا واقفة عليها.
بكلمكم كأخت ليكم كانت مكانكم في يوم من الأيام،
وصدقوني… إحساس الرضا بعد التعب أجمل إحساس ممكن تحسوه.
إنك تبقى راضي عن نفسك، عن مجهودك، عن تعبك.
اشتغل علشان نفسك.
علشان بعدين تشكر نفسك.
ثالثة ثانوي مش مجرد نتيجة ومجموع…
دي بتثبت مين كان قد المسؤولية ومين استسلم.
فكر مع نفسك كمان شهر عايز إحساسك يكون إيه؟
راضي؟
ولا ندمان؟
القرار دلوقتي في إيدك.
لو بدأت صح… هتلحق.
لو فضلت تسوف… متندمش بعدين.
واللي هيصحى النهارده…
هو اللي هيشكر نفسه بكرة 🤍

كيف حالكم ورمضان؟
رمضان بيخلص
أنت زي ما أنت ولا؟

لسه عاصي؟
لسه غافل؟
لسه مُقصّر؟
لسه مش واخد بالك إن كل ليلة فيه ناس بتُعتق من النار وأنت زي ما أنت؟

أنا حبيت أذكّرك بس.
وحبيت أقولك إنه مضىٰ الثُلث ووالله وبالله وتالله إنه لكثير..

لو غافل..فوق
لو مقصّر..توب
لو فاتك..استدرك

وإيَّاك نَستعين على العبادة والحياة
والحرڪة والتفڪير والعلم والعمل والنوم
وخفقة القلب وغمضة العين مايصنع
عبدك دونَ عونك يارب 💗.

#تذكّر

إذا كُنت تُريد النجاح لا تقِف وتتأمل الدرج، بل أسرِع وابدأ في الصعود، قد تتعثر أحيانًا وتسقط أحيانًا أُخرى، لكِن إنهض وواصِل الطريق حتى تصِل لأهدافِك وأحلامِك 🤍.