Hér má finna Github-síðu verkefnisins d20 á íslensku. Þessi síða er fyrst og fremst gagnleg fyrir þau sem vilja breyta efninu eða bæta við það, efnið er aðgengilegt í læsilegu formi á https://ernir.github.io/d20-is/ .

Efnið er skrifað á Markdown-sniði, og má finna í möppunni vefur/docs.

Hægt er að ná í afrit af efninu til eigin nota með "Code" hnappinum hér að ofan:

Hægt er að breyta skránum á eigin tölvu með flestum hrátextaritlum, höfundur notar Visual Studio Code sem er einfaldur í uppsetningu, virkar á helstu stýrikerfum, og styður Markdown án þess að frekari stillingar sé þörf.

Ef bæta á við alveg nýjum síðum er einfaldast að nota aðra sambærilega síðu til hliðsjónar.

Hægt er að leggja til breytingar á efninu beint með því að búa til "pull request" í gegnum Github.

Ef það hljómar flókið er hægt að nálgast höfund með tölvupósti á e.ernir@gmail.com og við reddum þessu.

Þessar leiðbeiningar eiga fyrst og fremst við fyrir forritara og annað tölvuslingt fólk. Þau sem eingöngu hafa áhuga á að leggja til breytingar á efninu ættu ekki að þurfa að keyra alla síðuna á eigin vél, til þess er nóg að breyta textaskránum (sjá að ofan).

Síðan notar Docusaurus til að safna saman Markdown textaskránum, eiginleg forritun kemur varla við sögu. Docusaurus keyrir með npm, útgáfa 16 er í notkun þegar þetta er skrifað. Eftir að npm hefur verið uppsett má keyra upp síðuna með því að keyra skipunina npm run start í /docs möppunni. Þetta opnar staðværa útgáfu af síðunni í vafra.