Aminda Radio Esperanto

La januara numero 2026 de Panoramo de la Granda Insulo prezentas multteman panoramon de la malagasa socio, kunigante lingvajn, kulturajn, historiajn, mediajn kaj sociajn perspektivojn.

La numero malfermiĝas per bilanco pri la agadoj de Esperanto Plus 2025 en Malagasio, montrante la edukajn dinamikojn de la movado kaj ĝian rolon en la interkulturo. Kultura heredaĵo estas traktata per la prezentado de tradiciaj praktikoj, kiel la uzado de ĉaro kaj ĉareto, kaj per la esperantigo de la Betsimisaraka fabelo “La bova ledo, kiu fariĝas graveda bovino”, kontribuante al la valorigo de la parola literaturo.

La media dimensio speguliĝas per esplorado pri birdoj en la natura parko Bemanevika kaj per la raportado pri la bova raso Renitelo. Historian konscion pritraktas teksto pri koloniisma terurigo en Malagasio, dum la socia aktualaĵo aperas en lokaj novaĵoj kaj en la rubriko “Vivo de ordinarulo”, dediĉita al la ĉiutaga sperto de iu malagasa virino.

Lingva edukado estas reprezentata per enkonduko al la adverbo en la malagasa lingvo, kaj la numero fermiĝas per kvar fotoj kun komentoj pri la loka vivo.

Ankaŭ vi povas pli scii pri la malagasa popolo kaj nia lando Malagasio se vi abonas al Panoramo de la Granda Insulo, monata revuo en formato Pdf, kies jara abono kostas 30 eŭrojn. Sur la foto montriĝas la pagmanieroj.

La decembra numero de Panoramo de la Granda Insulo invitas la leganton al riĉa kaj nuancita malkovro de Malagasio, inter aktualaĵoj, kulturo kaj ĉiutaga vivo. Tiu eldono proponas samtempe rigardon al la evoluo de la loka Esperanto-movado, meditojn pri nia kultura identeco, kaj analizojn pri aktualaj temoj, kiel la uzado de Artefarita Inteligento en la lando.

La numero ankaŭ malfermas fenestrojn al la malagasa socio per iu fabelo el la betsimisaraka tradicio, historia artikolo pri internacia traktato inter la merina reĝlando kaj Anglio, portreto de ordinara vivo, kaj prezento de la kvartalo Besarety en Antananarivo. Lingvemuloj trovos artikolon pri la uzado de adjektivo en la malagasa lingvo, dum la festotempo estas prilumata per artikoloj pri kristnasko kaj tradiciaj festoj, inkluzive de la fama rhum arrangé.

Per artikoloj, fotoj kaj tradukoj, Panoramo celas kunigi informadon kaj kulturperadon, proponante al internacia publiko aŭtentan kaj allogan panoramon de la Granda Insulo en la fino de la jaro. Ne hezitu do aboni al PANORAMO DE LA GRANDA INSULO, la jarabono kostas 30€ por 10 numeroj en Pdf-a formato. Feliĉan jarfinajn festojn kaj al vi ĉiuj, sukceson por la nova jaro 2026 !

En ĉi tiu numero de Panoramo vi trovos riĉan elekton de artikoloj pri la vivo, kulturo kaj historio de Malagasio, same kiel originalajn kontribuojn al la Esperanta mondo.

• Vivo de lokaj esperantistoj – Portreto de Gervais Randrianasolo, la sola esperantisto-ministro en nia lando.
• Malagasa kulturo – Prezento de la Mahafaly-tribo, kun rigardo al iliaj tradicioj kaj identeco.
• Originala prozo – Emocia novelo: La forpaso de mia ekskoramikino verkita de Henriel
• Konatiĝi kun iu loko – Malkovru la Nacian Parkon Zombitse-Vohibasia en Toliara, unu el la plej interesaj naturaj regionoj de la sudo.
• Medio – Klarigo pri nova, moderna koncepto pri rearbarigo kaj ĝaj avantaĝoj por la lando.
• Historio – Analizo pri la ribelado en la sudo en novembro 1904, grava sed ofte neglektata evento de nia historio.
• Internacia literaturo – Literatura eĥo el Ukrainio, kun prezento de la poeto A. Dron.
• Vivo ĉiutaga – Rakonto pri Andry, agento pri sekureco
• Malagasa lingvo – Utilaj klarigoj pri la verbaj modoj en la malagasa lingvo.
• Elektitaj fotoj – Buntaj bildoj kaptitaj tra la lando.

Nun estas la momento por (re)aboni al PANORAMO DE LA GRANDA INSULO. Jara abonpago kostas 30 € pagebla per Paypal (henrielredtv*gmail.com [Aminda Butik’]) aŭ per UEA-konto « fidi-d » kun la mencio Panoramo.

La oktobra eldono de Panoramo prezentas riĉan miksaĵon de kulturo, lingvo, medio kaj ĉiutaga vivo en Malagasio, ĉio tra la prismo de esperanta pensmaniero. Sub la inspiro de la ĉefa temo “Gen Z-movado renversis mafian regadon”, la numero malfermiĝas per pripenso pri la rolo de Esperanto en nia lando kaj la revoj de la redaktoro pri ĝia estonteco. Sekvas kultura esploro pri la tribo Bezanozano, kiu montras parton de la identeco kaj tradicioj de la malagasa popolo.

La sekcio “Originale en Esperanto” proponas du poemojn, kiuj donas voĉon al la kreiva flanko de la loka esperantistaro. La rubriko “Konatiĝi kun iu loko” kondukas la leganton al Lemurs’ Park ĉe la rivero Ankatsaoka, ne tre konata natura parko apud Antananarivo. En la sekcio “Medio kaj nia farto”, artikolo pri ekspluatado kaj uzado de granito atentigas pri la graveco de tiu materialo en la  ekonomia vivo.

La historia rubriko omaĝas Marie Zénaïde Ramampy, figuro el la malagasa historio. Poste, kvar paĝoj de novaĵoj de la monato resumas gravajn aktualajn eventojn. La sekcio “Vivo de ordinarulo” rakontas la ĉiutagon de Odyle, ŝtatoficistino ĉe la Ministerio pri laboro. Fine, la lingvoŝatantoj trovas utilan lecionon pri la prepozicio en la malagasa lingvo, kaj la numero finiĝas per kolekto de diversaj fotoj, kiuj bildigas la ĉiutagan vivon de la ordinara civitano.

Ankaŭ vi rajtas ĝui el tiu plezuriga ĉiĉeronado tra la bela insulo Malagasio ! Abonu do al nia gazeto pagante 30 eŭrojn por la 10 numeroj. Informoj pri la abonado troviĝas sur la foto.

Ni invitas vin ĉiujn viziti nian novan kaj trilingvan retpaĝon ESPERANTO MALAGASY ĉe https://www.esperanto-malagasy.mg . Bv diskonigi ĝin al geamikoj kaj gesubtenantoj de la malagasa Esperanto-movado. Viaj komentoj estas bonvenaj !

La septembra numero de Panoramo de la Granda Insulo proponas riĉan miksaĵon da kulturo, historio kaj aktualaĵoj el Malagasio. Intervjuo kun la juna ĉeestinto de la IJK en Indonezio starigas la tonon, dum artikoloj pri malagasaj virinoj kaj pri la urbo Ampitatafika prilumas niajn radikojn. Originala novelo verkita de Henriel, esploro pri nekonata diplomatio inter la merina reĝlando kaj Usono, same kiel raportoj pri la medio kaj pri la vivo de ordinaruloj, pliprofundigas la legadon. Fotoj kaj paĝo pri la malagasa lingvo kompletigas la numeron por diversa kaj alloga travivaĵo. Ne hezitu aboni al nia gazeto pagante 30€ la jaran abonkoston.

La geabonantoj de Panoramo de la Granda Insulo konstatos ke la junia numero de nia gazeto estas pli dika pro la aldono de la Suplementoj por niaj ferioj : ni ĉiĉeronos vin tra la regiono Zafimaniry. Sed estas interese legi ankaŭ pri la vera signifo de nia sendependeco. Ni traktos ankaŭ i.a. temon pri la krokodila oleo, kiun tre uzas Malagasoj por diversaj aplikadoj. Karaj, ni rendevuos por la venonta septembro. La jarabono ne ŝanĝiĝis : 30 € (pagebla per « fidi-d » ĉe UEA aŭ per Paypal rekte al la redaktoro). Ĝuindajn feriojn al vi ĉiuj !

Ni proponas al vi la ELSENDO N°153, la lastan podkaston de Aminda Radio Esperanto post naŭjara funkciado. Tiu ĉi podkasto entenas kelkajn novaĵojn el Malagasio, ĉefe pri la stranga nutraĵ-toksigo, kiu mortigas multajn gejunulojn. Krome, ni traktas la temon pri la angliglo de la malagasaj (vok)nomoj. Ni sincere dankas vin, karaj geaŭskultantoj, kiuj fidele sekvas nin dum tiuj naŭ jaroj. Ni esperu nur ke iu alia Malagaso transprenos la torĉon. Ĝis la revido kaj ĉion bonan al vi ĉiuj !!!

APARTE MENCIINDAJ ESPRIMOJ EN TIU ĈI-NUMERO

Antananarivo, Ampitatafika, Ambatomirahavavy, Andekaleka, Tana Sud, Ampasika, Itaosy,

JIRAMA, Ravoahangy-hospitalo, Befelatanana,

Jaona (el la angla John)

Son/saona/saonina estas malagasigo de la angla vorto « son » (filo) kaj asociita kun malagasa nomo kiel Rakotoson (t.e. la filo de Rakoto), Raveloson, Randimbison…

Petera (el Peter)

Rajaspera (el Jaspers)

Radaniela (el Daniel)

Rafilipo (el Philipp)

Ramilison (el Emile kombinita kun « son »)

Radavida, Radavidra (el David)

Rajakoba (el Jacob)

Rajosefa (el Joseph)

Razaka (el Jack/Zach/Zack)

Rajemisa (el James)

Ralibera (el la angla vorto « liberal »)

Rastefa (el Stephan)

Rajoela, Rajoelina (el Joel)

Imanoela (el Manuel)

Rafelisy (Felicity), Raliza (Lisa)

La ELSENDO_N°_152_05_2025 de Aminda Radio Esperanto estas disponigita al vi ĉiuj kaj ĝi entenas kiel kutime kelkajn novaĵojn de la kuranta monato kaj la sekvon de la artikolo pri kelkaj kutimoj de la etno Betsimisaraka en la nordoriento de Malagasio. Ni precizigas al vi ke la junia podkasto estos nia lasta elsendo, ni ĉesos produkti elsendaĵojn pro manko de intereso kaj subteno. Atendante, ni bondeziras al vi ĉiuj agrablan aŭskultadon !

La maja numero de Panoramo de la Granda Insulo estas sendita al la geabonantoj. Krom la tripaĝa novaĵo de la kuranta monato, ni pritraktas la signifon de la evento de la 13a de majo 1972, la metian fabrikadon de la toaka gasy aŭ loka rumo, la nocion pri fihavanana ktp. Nia gazeto ebligas al esperantistoj konatiĝi kun Malagasio kaj ĝia gastama popolo. Ankaŭ vi povas aboni al tiu pdf-a gazeto ĝirante la jarabonon 30 eŭroj en UEA-konto « fidi-d » aŭ pagante per Paypal. Agrablan legadon al vi kaj ĝis la venonta numero !