أنا اسمي محمد علي بلغيث مدرب شخصي دولي , في البداية، كنت شخص عادي، عندي رغبة كبيرة في تحسين لياقتي وصحتي. كيما برشا ناس، كنت نواجه صعوبات في بداية الطريق، لكن كان عندي إصرار قوي باش نبدل حياتي. قررت نبدأ رحلتي نحو التغيير، لكن اكتشفت بسرعة اللي الأمر ما كانش سهل كيما كنت نتصور.

ما استسلمتش، بل قررت نتعلم كل شيء عن الرياضة والتغذية. بديت نتعلم وحبيت الموضوع برشا و قررت نولي مدرب شخصي. اجتهدت بش نعرف كل شيء عن جسم الإنسان، وطرق التغذية الصحيحة، وكيفية تصميم برامج تدريبية و قدرت ندرب نفسي و نحقق الهدف الي حلمت بيه

مع مرور الوقت، الموضوع بدا يكبر و زاد شغفي بمساعدة الناس على التغيير. و اصبحت مدرب شخصي معتمد من المؤسسة الأمريكية وهي("BROOKBUSH INSTITUTE" )و هي مؤسسة رائدة في مجال التدريب , و أخصائي تغذية معتمد من (OHSC) البريطانية و مدرب لياقة بدنية درجة ثالثة( RQF ,EQF standart) المعتمدة دوليا من بريطانيا (Ofcual regulated, cimspa, ereps, innovate awarding) بديت نصمم برامج تدريبية مخصصة لعملائي، نهتم بكل تفصيلة من التمرين للتغذية. و نشجعهم باش يحققو أهدافهم

بعد 5 سنوات من الخبرة والمثابرة، قدرت ندمج ما بين العلم والتجربة وبنيت سمعة طيبة في المجال. نجاحي ما كانش مقتصر على البرامج التدريبية الناجحة فقط، بل كان ناتج عن إيماني القوي بإنو النجاح يجي من خلال الدعم المستمر، التحفيز، والإلتزام القوي لتحقيق الأهداف..

اليوم، أنا مصدر إلهام لكل من يحب يغير حياته للأفضل، ونواصل مساعدتي للناس باش يعيشوا حياة صحية مليانة بالثقة والنجاح , "ما تترددش في بدء رحلتك، خليني نكون شريكك في تحقيق أهدافك والوصول لأفضل نسخة من نفسك!"